我嗰個係08年，以前主要靠facebook聯絡，到一歲搞咗個bb party，有自助餐食，後來啲人一個二個unfriend, 仲有一個入咗民x聯做社區主任。諗返起個媽媽谷都好無聊
係呀，到搵幼兒園仲更加多曬命，鬥識乜識物好煩
我果個1歲就開始講n班
幼稚園之前仲有, 之後大家唔同小學, 我又由FTM 變左WM, 而家小學d同學家長都唔識我, 佢地又大多數係國貨, 唔join冇閃失
有join ，但不敵時間洗禮
d mama group 沒落曬
我而家都係，而家都懶出聲
其中一個係同日group，開頭2、3個月，大家剛生完，好互相扶持咁，但慢慢就曬自己bb識做d咩，鬥快學到新野咁，初加固，有位媽媽仲要日日send 片出黎，話自己bb食乜，食成點，我電話俾佢搞到冇位，要停止自動dl片嘅，
大家姐都遇過，講乜問乜都係佢講先係權威，所以又係冇再出聲，除咗有團購野啱用之外
有時又會遇到d想做生意既人，我試過有個group，有個媽媽最初share佢產後點減肥，都係做下運動、食少d嘢咁，然後開始多人交流佢就推自己product出黎。唔代表佢d產品唔好，但我睇到果下就有「原來係咁」既感覺。
完全冇join
反而有個舊同事的媽媽group
今日成班喺度講點喺ZA bank開戶同拎一萬蚊
冇出聲
提提大家，近來應該好多港豬分享，有間國內虛擬銀行在香港掛牌，叫ZA Bank衆安，介紹人開戶就有兩舊水，引起成個Facebook 同Whatsapp係咁瘋傳，為賺介紹費，眾安銀行由中國互聯網公司衆安在線為主要投資，而ZA Bank開戶需要拍攝多角度個人面容，及個人證件，為賺兩舊水，你可以出賣朋友，香港人，而作為中國金融機構，全香港七百萬人資料只需要(7000000人× $200 =14億)就可以輕易到手。
你每介紹一個人開戶，即係出賣一個香港人。
岩岩收到呢段野
4個讚
我有啲朋友話、呢啲資料有心拎點都拎到、點都賺200先
所以藍絲唔好怪人話佢地腦殘
好多都唔岩傾
成日心郁郁想join，因為怕miss out 啲有用資訊。
但最後都冇join，成日覺得呢啲比較得好勁，自己又係會介意嘅人。唔想呢啲比嚟比去嘅壓力比咗小朋友。
咁都正常既，n班兩歲讀，歲幾就要interview, 不過無諗住讀可以不理。
我個group又無乜鬥快鬥叻喎，可能因為我無咁嘅諗法，見到人地post 出嚟，我都只係send 下拍手emoji，無hard feeling~ 同人比較係自己心態嚟姐～
反而有時一D中小型嘅媽媽group 可以提到我唔好咁緊張，例如見到傾得多就會知有D BB食嘢好叻，但唔識講嘢，有D BB好快識行識走，但瞓覺作息唔得之類，有BB 生第10隻有BB先生咗1隻。呢D提醒到我每個BB嘅發展真係可以好唔同，自己個仔做唔到都唔一定係父母做得不足，又或者唔洗咁擔心，平衡返母嬰健康院嗰堆各項發展清單⋯⋯或者網上面D 育兒專家講既資訊⋯⋯
我唯一比較抗拒嘅係D 勁放負能量既媽媽 
狂呷生活、老爺奶奶、老公點差點差，但其他人俾suggestions 佢就只係會講"一定"無用、“做媽媽就預咗”、"有邊個奶奶唔係咁"之類⋯⋯我日常生活都會避開呢種放負人 
哇！同你多接觸都唔錯喎！好豁達！呢樣係我好需要學習架！
其實我覺得上呢d forum傾仲好，分散類
媽媽谷可能一個每日都過千msg，辛苦爬晒文先發現冇幾多同bb有關，文字都算，可能有一大堆不感興趣/唔關事嘅圖/片，霸咗電話嘅容量
上帝做人是公平的