無working visa 搵工難了, 有心的話批啲有條件性working visa 比人都好,例如新加坡之前都有類似先比一年居留期去當地合法找工作, 條件要大學畢業, 去到搵到工留底才再申請永久居留。
不過我覺得英國脫歐, 其實就係唔想比人去佢國家爭福利及飯碗…
1個讚
同意，我都唔明白點解咁多人即刻話無用。大家想清楚，呢個係暫時英國回應嘅第一步，唔代表到此為止。香港情況而家未去到最壞，亦好可能會更壞。到時英國會唔會再有其他措施，靠嘅係大家嘅發聲同行動。bno平權草案仲等緊國會審批，呢個時候究竟應該話俾人聽「bno都係廢、幫唔到年輕人、過到去英國都生活唔到」定係明確咁話俾英國聽我地對平權嘅需要同渴望？
最後，攬炒巴尋日都有提到，天助自助者。香港人加油，反抗。
6個讚
其實英國脫歐唔係唔想接收其他國家嘅人。喺英國咁好福利因為啲人做嘢要交重稅，所以點解佢哋睇nhs係唔使錢。總之你係屬於歐盟你就可以喺歐盟嘅國家入面住。但係東歐有好多窮國家，例如羅馬尼亞，有好多人去英國就好似我地啲新移民咁嚟香港唔做嘢，上公屋攞綜援。佢地攞完公屋之後再租出去自己瞓街，用啲錢去飲酒食煙，完全係對英國冇貢獻，但係 不斷咁吸取資源。再加上其他國家喺佢哋嘅海域度不停捕魚，佢哋捕嘅數量仲多過英國本土。所以英國想脫歐擺脫佢哋。
如果香港人過到去係正正經經做嘢自己讓自己 我相信佢哋唔會抗拒。所以點解我話extend一年畀你唔使working visa搵嘢做係makes sense。因為如果係人都過得去咁同冇脫歐有咩分別呢？ 
4個讚
2月供佈英國失業率係3.8%，其實屬於低，所以延長BNO留英時間至一年，比有能力既人響英國免working visa 搵工/留學，然後等五年自動成為公民，應該係現時對英國衝擊最細，而又最切實可行既方案。
老實講雖然佢地發表左聯合聲明，但果D extremely concern既字眼有乜用，睇起黎軟弱無力，除左concern冇嘢做。期望英國政府再拋出更多實質措施去幫我地。
2個讚
要行動啦
講真吖，佢哋spouse visa都要一定經濟要求，又要俾成千磅申請，去到仲要咁多要求至入藉。
而家BNO原本6個月travel visa 改做一年，呢一年可以讀書同搵工。咁即係你生活到就可以留低都真係好好啦！人哋spouse都咁高要求，而家BNO可以免費有一年機會。
3個讚
贊成，其實大家真係唔好怪英國唔咁樣又唔點樣。要怪，不如怪香港同大陸。
講真，咁樣已經好好，大家要知道，就算你係BC個spouse都要俾成千英鎊申請你拎spouse visa，仲要有好多條件同要求。spouse visa都可以讀書搵工，都係冇nhs同其他福利。
BNO去讀書都要攪student visa，讀完書想搵工個visa冇得extend慢慢搵工。而家有一年時間搵，唔好咁快話一定冇用。
1個讚
同意，如果大家對英國其他visa, family visa, spouse visa有些少認識，知道移民有乜要求。就會明白BNO有一年visa可以搵工讀書已經好好。真係唔好咁快話無用先！一直以來EU好多英文都唔多叻嘅去英國打工，就算nhs都係佔好大多數係EU員工，非本地人。其實搵唔搵到工，唔係講到咁難。事實係好多香港人對搵工個要求好高。
BNO拎6個月travel visa係唔可以讀書同搵工。如果有一年機會，仲要免費，已經係一個好好機會。人哋spouse visa 都要俾咁多錢申請。
講真吖，好多香港學生拎students visa ，讀完書根本好多人連graduation 都未到個visa就夠期走，邊夠時間。
而且有好多根本無條件留低，例如，宿舍完咗租唔到屋，因為visa就快完，仲有好多唔想自己响嗰邊住。
有啲就係要求好唔實際。
其實好多人都搵到工做㗎！嗰邊反而乜工種都有人做，好多大公司仲會專登請非白人，英文唔好都俾機會你慢慢學。
1個讚
Well said!!
一步一步嚟，佢呢度講BNO，難民方案仲未定，嗰度仲有希望！係幫到班細路！
要搵返香港嘅職業，賺返一樣人工，享受返一樣生活水平，好多人未必做到，要做好移民就要由頭嚟過嘅心理準備。但如果到時香港已經唔適合正常人生活，例如解放軍入嚟接管，咁呢個就係逃生門。
2個讚
講得好岩。好多人冇特別技能(即係好似我呢D C9)，移民好多時都係中產變草根。除左要做好心理準備，仲要搵定D被動收入，希望移民到當地初期都唔好立即斷糧。
1個讚
去到呢啲位，真係要識放低身段
2個讚
各人情況唔同，大家都有唔同考慮。今次放寬，對個班無咁大負擔同敢於去闖嘅青年人開左個頭，實際上對佢哋會有用。其實我身邊都有朋友，本身唔夠條件移民，但好想離開香港又唔介意挨，而家覺得係個機會去試下。
1個讚
真係唔知香港情況會變到幾壞，怕到時唔係選擇生活方式，而係要努力生存
去沖個班前線應該大多無BNO
只有中產受惠
國際線都唔會淨係得一條，台灣都收留左好多。如果發過夢又被人盯上嘅高危人士，而家有咁嘅機會一定要走。
有啲係中年