我諗我出唔出去做分別不大，因為以前我有返工佢都成日發皮4。反而係佢開咗公司後比以前更燥。好似YeahYeah咁講，佢已經習慣咗揾我出氣，佢唔喺工作上揾位入，佢貝都會揾其他嘢插我。
自己公司, 自己生意, 加埋依家咁既環境, 個人都真係會幾忟
但我覺得就算忟都好, 都唔應該攞另一半黎出氣
不過可能樓主又太易哄, 所以佢真係慣左
可唔可以平心靜氣咁話同佢傾計, 然後講返成件事出黎?
開心見成講下好過佢以為你OK但你其實唔OK
加油=]
每次嘈完都會傾，以前佢都會應承唔會再犯(雖然依然不斷重犯)，但最近幾次明顯佢唔覺自己錯，係唔想煩先至認錯。所以好驚有一日我再同佢傾，佢又會再嬲過。
但驚都要傾。係唔知今次佢又嬲到幾時啫。
你以前做全職主婦佢笑你，依家你幫佢打工佢又笑你，共通點係兩個身份你都係「要靠佢」。呢點上面我冇任何貶意，因為我覺得唔同崗位有唔同貢獻，但我諗你都知唔係人人係咁諗。
我相信你老公可能係用金錢貢獻黎睇家庭地位，佢做生意，你幫佢手，有冇出糧都係其次，佢會覺得「你有份工都係靠我」、「我為頭家搞生意你做老婆唔係唔幫手嘛」，我試下代入你老公諗法，無論點睇，都覺得你地位比全職主婦低。
所以你應該要搵返個地位返黎，試下出去搵野做。當你對頭家都有金錢貢獻，地位比較平等，佢冇咁多位可入你，而你自己都會有返D自信。
委曲求全好難走長遠既路，你要諗清楚自己方向呀JM.
6個讚
你依家去到一個完全係老公附屬品咁嘅位置，第一佢覺得你冇左佢唔得，第二佢唔記得左老婆娶返黎係要錫
你話你老公同朋友合資搞公司，即係你都冇份，點解要打老公工
1個讚
如果佢對外人可以200%容忍即係唔係eq低啦，單純係烚你烚到上心口
如果佢之後啲道歉都唔係真心，咁真係難忍啲喎
2個讚
依個時勢做生意真係
壓力係會好影響情緒和脾氣,家庭有冇經濟安全網？
大家平靜坐低講下各自既感受，你先生應該太大壓力，但又冇地方宣洩，習慣左對自己最寬宏大量嘅人發出嚟，你都要叫佢顧下你感受，日日受氣好辛苦嫁！
壓力大都唔係借口嚟，你無壓力咩，不過留意下佢係咪有情緒病，如果唔改善會繼續惡化落去，幾日發一次又一齊做嘢一齊住諗到都攰。如果以我性格應該爆到佢上太空。
頭先佢返嚟仲嬲緊。但見我仲努力同佢partner傾工事，佢一個鐘後走入嚟房，好好聲氣問我今晚食咩(又係食!淨係識得食!)，我望住電話答佢唔知，佢又嬲爆爆出去買飯，返到嚟就氹返我，同我道歉。
其實我以前有返工佢都係成日發皮4，不過的確當時我自信心高D，次次都會鬧返佢，佢亦知我有經濟能力唔駛靠佢，比依家收斂D。
好，我要好好plan自己人生，我頭先同佢傾出去揾工，佢話唔駛，佢會改好佢D皮4。就算今次走唔到，都俾佢知我有咁諗。
問題暫時解決，希望唔會好快又要呻。感謝各位 !
1個讚
情緒病依樣我都有少少擔心
係，我見樓主話唔會生b，兩公婆仲要對落佢，好似其他jm話齋，你要搵返自己，真係出去搵份工好過啦，唔係點過人世。
不過樓主老公睇怕好大機會覺得佢搵工都只係鬧交時大佢，又或者睇死你搵唔到工，所以你好好計劃下先再同佢講啦！
1個讚
所以就把你當出氣袋
樓主，好明白你
我老公又係咁，對外人脾氣好好
對住老婆就成日黑面發脾氣
可能佢地覺得個老婆離唔開佢
所以無論佢地點態度都無問題
你要提醒佢你首先嘅身份係佢老婆
係佢承諾過互相照顧同關愛嘅人
之後嘅身份先係工作上嘅幫手
3個讚
我會自己返工吾靠佢
我老公同你老公一模一樣，又係小小事就嬲/黑面，佢可以嬲我幾個月唔同我講嘢㗎，幾叻呀！
初初我都會好唔開心，但對多幾年，喊唔氹，鬧交佢可以走咗去，傾過又係知衰但好快又故態復萌；慢慢發覺真係江山易改，本性難移。整整下我調整自己心態，佢發癲由佢發，我唔再上心，反正佢都覺得自己無錯，我講咩都係嘥氣，費事自己勞氣。
最近退咗休，發覺佢啲脾氣係好咗，先發覺原來啲男人一有壓力，小小事就會發個老婆癲，借題發揮，仲要永遠都係佢啱哂。佢最頂癮野蠻到話我發脾氣係我唔啱，因為我發脾氣；而佢發脾氣都係我唔啱，因為係我令佢發脾氣。你話佢同生番有咩分別？
所以，你老公已經叫好，就算唔覺得自己錯都會氹返你，我個從來都唔會，我就叫自己唔好care，好過好多。
幾唔好都好，佢都叫顧家錫仔，無事無幹時又真係對我好好，我算㗎喇，人無十全十美啦，係咪？
總結，真係要改變自己心態，要佢改？除非投過胎。
2個讚
其實佢嘅所謂氹都只係一句起兩句止, 仲擺明係晦氣嘅道歉, 當刻我唔笑返甚至繼續流眼淚(我好眼淺), 就會嬲返我轉頭
我係一個做錯一定會認錯, 但唔係我做我打死唔認, 最憎人屈我嘅人。但老公有咩不如意事就賴落我度, 佢自己電話無叉電、電動牙刷無叉電、拎錯野出街…的確次次都好小事, 但每逢有咩事, 個老公都推個責任落老婆度, 真係心淡, 我唔敢想像有咩大事唔如意, 佢會唔會推我去死。
今朝又係咁, 所以我平心靜氣同佢講:“老公, 唔係怪你, 只係想講, 可唔可以唔好有咩事, 都第一時間賴落我度? 我真係會唔開心㗎。” 點知俾佢發脾氣話我為一句話咁執著, 我眼淺流眼淚, 佢好悔氣咁道歉, 我入廁所抹眼淚, 出返嚟見佢黑晒面我就唔敢再出聲, 佢就嬲咗我啦… 其實佢聽我講過好多次"最憎人屈我", 但佢屈我咁多次, 我今日第一次出聲咋, 反而俾佢話我執著, 仲嬲返我轉頭… 依家仲嬲緊…