都要睇少啲，有點頂唔順，好抑鬱既感覺
唔好過份情緒低落。記住！好多好多香港人同你一條船
1個讚
大家感受一樣
無助無力感失望…
就黎612一年喇
1個讚
我都係…成日叫自己唔好唔開心浪費人生同令你既敵人得逞，但當你見到新聞時，你都係會忍不住… 
而家盡量唔好睇咁多片, 每晚臨瞓同自己講明天會更好, 要留返條命, 惡人終有惡報嘅
我成日都覺得無力感好重，好擔心香港同年青人，暫時未睇到出路，但點都唔可以放棄，放棄咗我地既下一代就更無助
2個讚
就算不幸活在北韓都要生活，何況也未壞到那個景況。活在當下，自己的想法冇人可以改變的，在最壞的環境也要盡量保持正常的生活。我們唯一可以做的是鬥長命，希望看到光明的一天。
3個讚
自612後成日都有咁既感覺!
真係無力感太重
2個讚
好明白你, 因為我都係上年小產 
本身反送中既事已經好唔開心, 好怕手足出事, 都好擔心未來
但錢唔多, 移民又移唔到, 真係硬食
因為太影響到情緒, 所以已經無睇電視新聞好耐
今朝睇返尋日既事, 又心情低落了, 無力感極重…
明白你，我諗好多人都會同你一樣…
我自己都係… 聽下歌睇下笑片，身體力行既
就係黃幫襯，食既用既都 non MIC 都係有幫助…唔好睇小師奶仔既力量…
我先生又係話唔好諗太多，佢覺得唔會咁差！但每次睇到新聞有時都想喊，覺得好冇耐！九月我仔小一，我好怕會有思想教育怕佢變咗小粉紅！
好似我咁啦，呢幾日我都冇睇新聞，
就算睇都唔好咁留心，直播唔睇
有冇其他興趣，睇下書，上網搵d舊戲笑下，睇下戲，追下劇，就算冇心機，追追下就入左去喇
我有朋友真係因為呢一年，抑鬱病又重左
真係唔好咁投入呀
只怕第日香港淪落到大家想做港豬都做唔成 
same here, 
先生藍絲思維完全溝通唔到；
好想帶仔移民但點都計唔掂條數無得走；
之前大病過一次好怕呢一兩年壓力太大會復發；
想唔睇唔知唔理但真係做唔到～～
大家都要頂住加油呀！
唔諗真係無乜可能，真正香港人愛香港點會唔睇唔聽？但唔好喺未見到光明前就自己整冧自己，盡量遠離啦，就算睇都睇條題目算，唔好睇內容，等自己覺得心理質素可以承受既時候先入去細睇啦。
大家保重呀。
一睇到d片我就想喊，成日問點解香港人過得咁辛苦、難過？仲要比班每日150落嚟霸屋霸資源，把口仲要個個毒舌罵港獨！我唯有做得幾多得幾多，文宣，罷買，黃圈，簽聯名，教下一代正確道德觀念，夜晚訓唔著就祈禱
個心會舒服啲，難過都要過黎明前既黑暗我哋要更加團結！加油
3個讚
我想試過 睇太多一見到會想作嘔
從來都係豬、同本身唔係豬、好大分別架
呢年真係好頭痛好擔心,日日睇住日日心痛,真心困擾