根據我多年觀察，10 個爸爸 1 個唔識教，9 個唔願教 
唔多爸爸願意犧牲攤抖時間去教，讀完一次本書就覺得仔女學識左，佢唔會顧及到個小朋友真明定假明，問一句 “明唔明” 就算。
係咪教既方法唔夠有趣呀?
唔同年紀小朋友唔同教法
呢個係佢地聰明之處,
之後都唔會旨意佢教
我都理解無返學甘耐係會心散d，但問題係學校通知復課無耐就要考試我先驚，成個下學期完全自教，考乜鬼野
你好好吖，唔係個個老豆都會跟仔女功課，明白返工好累，但係教功課果個心情真係時刻都爆炸，只係想有人分擔下果種心理壓力
我自問吾識教，只係想盡量令佢明白課文內容，然後叫佢自己理解下再做功課。
呢輪睇過學校網上教學，唔係我自大，我自問好多科都教得好過老師，可能一路都係自己教開小朋友，大家互動好好，小朋友又係一點就明白嗰隻。如果香港可以homeschooling 就好了
1個讚
大女小一到今年小三, 做功課考試都係我教同幫佢溫習
黎緊妹妹小一, 我決定送佢地去功課輔導班 
我要返工, 放工返黎要教功課溫默書好累，大女係要等埋我返黎先肯做, 成日做到9-10點
加上有時都會鬧佢, 我唔想1打2所以今年放手去補習班, 睇下會唔會好d
1個讚
我有兩個小朋友, 大女係無乜EQ但讀書過目不忘, 只要捉到佢專注嘅時段同埋有規劃咁溫書就得. 所以我無太深體會自己教有幾辛苦, 阿女成個小學階段無補習.
到細仔, 佢真係課堂返來得4成, 瞓醒個覺得2成. EQ好, 但係教極都轉頭忘記, 老公好錫呢個仔都教到噴血跳fuse. 終於跪低小4開始去補習, 其實除了交齊功課, 佢都係教完忘記, 不過我地勞少D氣只係執補習老師手尾再重溫又重溫.
我想講, 每個小朋友都唔同, 未必個個可以唔駛去補習. 不過你試過, 勞氣過後可能會傷害到親子關係, 就最好放手俾人地教吓, 每個方法都試下. 目標為本, 最緊要小朋友提高學習效率, 可以多D時間發掘課外興趣.
讀書係重要, 身體更重要, 加油啊!
2個讚
我覺得, 家長識得多, 未必識得教.
好多時都係睇教學方法, 小朋友接受得到, 可以持續落去就係有效.
佢唔吸收無話邊個唔好, 只是方法不對.
1個讚
小朋友咩年級？如果係低年級既，俾自己放鬆啲先
如果高年級，面對分班/呈分，真係自己攪唔掂，就考慮外判
真心，如果咁迫自己同個細，成績未追上，情緒已爆煲
1個讚
一到測考就好傷關係，平日幾好 EQ 都難忍，派卷返黎見到啲蠢野仲激氣 
我宜家都要開始搞考試，仲有 7 月呈分，天資冇人咁好，唯有靠勤力，早啲開始溫書。
1個讚
我都冇、大人都好疲倦、同埋有時有、咁辛苦仲為咩既想法
2個讚
係，呢一刻我只想個細路平安健康就夠，學業d野順其自然 
Ftm
小朋友初小 男
平時都係要日哦夜哦 做功課
嘔晒血 平時我就無心機教 係平時考試前同佢溫書 一向叫佢係學校專心聽書 成績係ok既 但要push
而家停課 有D老師係有心機拍片 因為我都會一齊睇 當然有d老師就好一般啦 始終佢地唔係youtuber,總之睇完 我個小朋友識做功課就算鬼數
我就放棄mode
到復課先算
七月要考試 等我嘆多兩星期先算
1個讚
我以前讀書幫小朋友上門補習，其中一個媽媽同我講過，自己教會影響親子關係，所以寧願外判呢個工作。
我依家做人阿媽就深切體會到，有時阿女唔做功課或字寫得唔好，我個心都無名火起，但又唔爆得，仲要搵方法引佢改正，真係好辛苦。
1個讚
仔女一講就明，舉一反三真係幸福到爆。我知問係聰明人，有辦法解決問題，教亦比任何一個學校老師好。但係仔唔聰明，有啲嘢諗3/4個辦法講解，唔明就係唔明。唯有同自己講 Einstein 名句 : “If you can’t explain it simply, you don’t understand it well enough.” 再諗辦法。
1個讚
I can relate to you. 我同阿媽講我依家先知佢其實好幸福，我細個應屬你所講舉一反三嗰種。我媽都係到教孫至明白原來當年唔係佢自己教得好，而係我易教。小學啲同學仔週不時問我點讀書，我都唔知點答。我又唔係唔駛溫，但可能出1/2 其他同學嘅effort已經記得哂識哂。根本是上天恩賜。
I foresee that it won’t be easy to teach my child but we will get through it.
停學咁耐真係想C
智愚有別, 有時無得勉強