我記得1997年截止之後，持有BNO既人數係over300萬。佢內文講只包31萬BNO人，如果唔係打錯字，就即係話有篩選。咁用乜做原則？有效BNO？咁由幾時開始定為界？出左報導之後續証計唔計？定係用資產？學歷？年齡？專業？我信英國一定唔會死錯人，肯肯定揀過先會接受部份人。尤其如果當難民，英國已經冇左歐盟做back up，所有難民要自己食晒，佢點可能會一次過批准300萬potential難民入境？
佢話係類似烏干達式難民收容計劃，我未check係乜黎。但就算比BNO平權，都有好多灰色位。例如佢可能仲會keep住BNO而唔係換本BC比你，咁有居英權但本護照都未必留到比下一代，到最後要將本護照留比仔女，都係要去英國本土「貢獻」完先可以。咁都有可能。又或者開發窮鄉小鎮，叫你去開荒投資都唔定。一日未出細節都唔好太認真。
英國有騎士既honour 1997年就唔會將香港交比中國，根本呢個國家似商人多d，不斷響國際關係中搵著數(唔係負面評語，如果我係英國人我好buy)。所以佢如果講得收容香港人，一定一定一定(重要事講三次)有篩選。分分鐘呢個係假風向，可能見最近大家都爭先轉走資金，不如放風「有機會」收香港人，等d香港資金轉d過黎。
我雖然生於英藉香港，但對英國只有感激佢帶優良制度比香港之情，我個人由頭到腳都係一個香港人，所以一直學習少帶感情去睇英國既事。我覺得好多香港人對英國有情意結，有時會過份美化(亦有時會因愛成恨醜化)英國對我地既政策同態度。真係唔好咁諗，要抽離D. 當然我地要為所有可能做準備(包括思想上)，如果今日BNO平到權，當然係Bonus，當逃生門，唔係比自己都考慮仔女丫。但如果佢唔比，或有條件比，唔好太上心，英國係民選政府，要同佢國內選民交待。
一日未出細節，一日都未成事實。所以平常心，共勉之。
9個讚
係。有個自稱香港人 但係連口音 都未戒嘅賤女人 兜口兜面同我講， 話 “香港係屬於大陸嘅，所以我哋係香港人, 資源 都係我哋嘅”。
賤人有好多種。呢種係最賤。
如果有留意開申請bno的消息, 前兩年持有有效bno的大概只有2萬零人, 但而家有大概31萬5000人持有有效bno.
31萬應該係指呢批持有有效bno人士.
3個讚
好似之前我講，英國佬最後尾都會畀一批人去英國，為咗平衡外間對佢係宗主國嘅壓力及道德責任，而喺呢個時候，亦因為脫咗歐，需要人才同埋資金，所以佢係會做一啲嘢嘅，不過普羅大眾就唔需要諗太多……因為會篩選……
1個讚
呢樣嘢冇人知啦.
其實好多有能力的97, 2014 都走左, 有其他國籍, 重點會申請bno
1個讚
我之前睇過以下新聞，見到話 「截至2018年12月31日，持有有效BNO的人數為169,653。」加埋2019年頭9個月申請人數係69142本，即係話2019年10月至2020年4月 (唔包5月係因為5月未過) 如果有大約7萬人申請就肳合31萬人條數。
內文話資料黎自英國內政部護照署 (HM Passport Office)，我上過佢地網站 (HM Passport Office - GOV.UK )嘗試搵2020年有效BNO數量，但發覺搵唔到資料。所以FC唔到。不過根據帳面推斷似乎合理。
https://topick.hket.com/article/2503807/【續領BNO】9月BNO簽發量急升達3.4萬本 10分鐘完成網上續領【附完整教學】
1個讚
如果真係收人, 合理地應先暫停處理新的bno續期, 搞掂左班現時手持bno 的人士先, 因為呢班人已經好大數量.
然後先再開放返bno 續期, 什至重開申請比97前出世的人. 跟情況變化, 一步一步黎.
我聽既係、唔係大陸香港點會咁風光、
佢意思係未開放香港先得益、風水輪流轉啦、某程度上我同意、但係心地好差
mmvmv
113
硬膠膠！唔係當年英國Build up, 香港而家有屎資源比佢地吸血咁吸呀？呢D人真係無腦。
3個讚
mmvmv
114
其實應該掉返轉，唔係香港，大陸點會咁風光。佢唔靠香港佢點換人仔做美金？
其實點解將“難民”同“平權”混為一談? 報導講緊refugees, 平權係another issue
3個讚
做生意就互惠互利啦、佢又唔諗下人哋仲揀香港就係因為法制
其實都未証實點收人, 只係吹風可能收人啫.
如難民方式, 英國方面手續簡單左, 同埋會有一大堆人 例如popo個d冇份.
未嘗不好