呢d問題，言之尚早，你都諗到，英國政府無理由諗唔到，等條文穩陣d。
其實係咪一定要考IELTS? 有無豁免？
你好，多謝你熱心解答問題
，我喺英國冇熟朋友冇親人，而家攞住bno好似話仔女可以有資格讀當地政府學校，我先敢諗出走英國，坦白講如果要讀私校，我一定比唔起了
想請教你，我學歷唔高，喺香港做個EA仔，最擔心係搵唔到工，我先生都係覺得最大因素係點維生？想請問喺英國你提及的manchester為例，肯做會唔會都搵唔到工作？例如收銀？送外賣？有冇話咩地方華人比較易搵工？如果英國政府真係開大門，我都唔想做等攞福利嗰類，如果咁，同香港嗰堆有咩分別。
另外小朋友搵政府學校，如果見到係good以下的，有冇邊度可以睇到點解係咁嘅評價？例如因為學生成績？因為學生攪事？同埋我見好多primary school 寫4-11 / 3-11咁，但secondary school呢又14-16 / 13-16⋯⋯etc,咁如果12歲呢？
Sorry I ask too many…我其實好徬徨，更加唔想自己攤攤下冇咗件事，所以希望可以盡力搵多啲資料
1個讚
已經排到下年5月
1個讚
係吖、所以咪話單身去定先就無所謂、有細路仔真係睇定d好
我想問，你而家係住係manchester？定係準備係香港搬過去？
我同你差唔多，都係BNO想過去，諗住租樓先，一家4口，仔女9歲+5歲，都係睇緊係邊到落腳，未去過英國，睇過好多fb post，Manchester好似幾好，但係唔知學校，治安如何！我應該都係會揾藍領做，夠生活已經ok！大家可以交流下
我係英國都係無朋友無親人，不過我好堅決咁帶埋細路去英國，預左由零開始。
而家BNO細節未出，到底d細路會讀邊類學校都未未明確，唔好諗煩住。
搵工睇技能又好睇際遇，華人既公多數係餐館，侍應廚房經常招聘但都經常流失，係比較辛苦，好睇自己撐唔撐到，運輸業都有需求，送餐多數按柯打收費，多送多搵，如果要揸貨車就要等下，好似要持有英國車牌2年以上，先比揸貨車。超市收銀係part time, 好少長工，我見多數係銀髮族或者係後生媽媽做。另外，做野之前，最好申請定NI, 無NI號碼無人會請。
學校有d係High School, 有d係 Secondary School, 另外，學齡計法同香港唔同，呢到以9月份入學計，好似我阿仔年頭出世，係香港算大仔，11歲係香港讀緊小六，黎到呢到插班讀Year 7 (即係香港既中一)。
1個讚
係曼城生活緊
請問曼城治安ok嗎？
我同我老公都有車牌，想問住邊區好，附近會有唔差嘅小學？因為我女小三，英文唔係好，我唔望佢入到好叻嘅學校，只要接受華人，冇欺淩，其他可以慢慢學，最緊要小朋友適應到，thanks!
有資金，可以揀Sale, Altrincham,Trafford果d區，名校區，好出名。個人覺得樓價比較貴。
治安問題，都要再睇每個細區既犯罪率，住既係咩人種，而家fd大把呢類教學。如有需要，我再比條link你了解了解。
學校既老師好好，勁鼓勵d細路思考同學習，好互動，成日well done, great job, fantastic, amazing,…
。欺凌問題，teenage 實有，我阿仔話上上下體育堂，跑緊圈，後面有2個白人同學突然打交，老師叫佢地stop咋，好似無咩處分。叫左佢求期都要識返d同學仔，唔好多事，咪一個人去次所咁囉。
請問咩叫NI? Thx
我見indeed d 工好多都係GBP2,30k年薪咁…係咪真係夠生活
1個讚
好呀！唔該你！
我諗住租樓先，始終未住過，唔敢買樓住，住落ok先考慮買。
咁睇，返學應該壓力唔算大，我見你寫你個仔唔抗拒返學，又冇乜功課，我諗我個女都應該好鍾意
因為而家好多功課，又要默書小測
我個大仔就係細聲冇膽講，平時好似宅男咁
最驚佢比人蝦咋，相反細佬就大膽厚面皮八掛，講錯英文都扮冇呀冇呀有咩打online game都聽到細佬成日講英文（簡單嗰啲）
我想問如果做開美容師英國難搵工嗎？
我做咗15年美容最近轉咗診所助護2年，其實我做勞動工作都冇問題
因為做美容都習慣晒（辛苦）
請問manchester 氣候如何？
會唔會成日落雨，個天灰灰暗暗咁
我知道"指甲美容"比較好搵，我識人係伯明翰開左鋪做緊，而家又開分店呢。
英國開公司要了解清楚有咩規定先，唔似香港咁簡單，咪亂黎。
都算多雨水，好似今日咁，落左幾次雨，出左一陣太陽，其餘時間都係陰天同勁大風。
曼城屬於西北部氣溫都幾清涼d，愈北愈凍。而南部比較和暖d。我成家人都怕熱又大汗，所以覺得曼城幾合適。
嗯，建議等英國政府既條文細節至按自己既經濟能力至諗買樓，而家未有身份，屋都租唔架。唔好諗太多。
功課真係唔多，但高年班要應付GCSE 好似會多d功課，到時都大個仔，唔理佢咁多lu。