其實都試左一段時間,但都無消息
我係有d羨慕,但有時又覺得自己心底裡其實唔羨慕
見到nb/一家4口,我又唔會好想要
見到大肚反而會羨慕,好掛住大肚既感覺
定係我只係懷念大肚?
試左段時間未有消息,我就愈郤步
有次以為自己中左,我成晚訓唔到
一d開心都無,反而好擔心,覺得好對個仔唔住咁
之後發現原來炸糊,我反而鬆一口氣
呢件事令我反思,到底我係咪真係想要
我好滿意自己現時生活
如果多一個,又好怕會後悔…
所以真係好5050
P.S.兩公婆都係愛自由,要私人時間
我生左一個, 唔會再生
自己屋企有兄弟姊妹, 但關係好疏離
亦唔覺得有伴係必要
加上而家香港咁既環境, 除非第時可以移到民
否則冇信心生多個, 生佢出黎即係害左佢
下，如果你果下反應係咁，都好明顯你係唔想要，咁就無謂勉強自己。
一個又好，兩個都好，冇話有一套必然幸福的方程式，㨂一個最適合自己既方式就好。而且你都叫試過，不過最終唔成功啫，將來都唔會話後悔自己唔試下。
你都岩,起碼試過
我有時會懷疑自己
其實係咪只係鍾意大肚個種幸福感,而唔係真係想要多個 
一個夠
兄弟姊妹吾一定友愛
有D仲直頭係負擔
2個讚
Exactly!
其實真係冇得講話生一個好定兩個好，
人同人之間仲要講緣份
贊同，香港而家咁，都真係唔敢生
過來人， 我只生一個， 堅持生一個！
到阿仔8歲， 8年間不斷無數人叫我追多個
我而家都好無悔。
1-老公怕煩
2-我怕煩
3-我仔都怕煩
優點：
一個夠晒數， 至於悶唔悶， 係其他人觀感
我仔話一人溫書好正， 無人整爛佢模型
仲有更集中資源滿足佢，
媽媽空間大d , 仲有時間扮靚。
我地一家隨時隨地可旅行街， 話出就出。
，
生活係一種選擇， 並不是成就其中小朋友（悶而有個伴）而犧牲自我的生活的想法。
而第二位小朋友的價值就是玩伴嗎？
好好想一下你想要我將來生活，不要被旁人影響。 隨非旁人願意幫你湊仔， 你就生了。
最後一個問題， 如果你湊唔掂2個而引發的家庭問題， 如房屋 金錢， 夫妻爭執…
為左多個伴， 家庭還有質素嗎？如果有信心解決以上問題， 你可以再懷孕了
3個讚
未結婚之前，大家都有共識生2個。
到生左一個，覺得湊一個已經好攰，有d卻步。
因為生第一個，要預埋幾時排卵日行房，要冇避孕足足一年先有。
諗住第二胎，唔理幾時排卵，順其自然都應該唔會咁易有。
點知第二胎幾個月就有。依家bb下個月都出世，我都仲好似冇乜心理準備
既然你有婦科問題唔易有，你都可以試下順其自然。
其實你都答左自己啦
我一個小朋友七歲、完全同意你講嘅野
不過我小朋友係恨有個伴
老公話我地普通人家、到時分身家佢就知一個嘅好處
1個讚
我有2個好似仲易湊左，因為佢2個一齊玩唔洗我陪。
我自己有兄弟姊妹，細時感情好好，到大個父母開始老、長期病患，大家就會為咗照顧父母嘅責任分配/照顧父母付出嘅錢而爭執，所以我自己都係生一個算，資源、人手剛剛好，我第時所有財產俾晒佢