後生ken媽 惡過同恐怖過老年ken媽
2個讚
但Ken真係好癈.
其實Joyce都"少癈", 佢爸爸就縱佢, 不過佢係真係關心自己爸爸, 唔似Ken, 裙腳仔比個阿媽train到連自理能力都冇
嫁俾咁既人，先唔講頂唔頂得順佢媽！好似湊仔咁，真係唔嫁好過！
岩呀, 第一次出場叫佢洗手同埋唔好喊, 已經build up 到個惡型像
好喜歡套劇用不同人嘅角度將成件事抽絲剝繭，本來只係一個簡單故事，用左呢種多重視覺嘅手法表達真係好高手，事實上每個人見到嘅都未必係事實嘅全部。Catherine 同 Kevin 視角好睇，夠懸疑，喺你以為 Kevin 有問題時原來佢先係睇得最通透果個。
一路睇落去，最估唔到原來艾威即係 Joyce 爸爸，其實如果當年 Joyce 有成日落去爸爸嘅茶餐廳，係好大機會識到 Thomas 同 Sammy… 佢仲要接過 Thomas 搵 Sammy 嘅電話…
我有時都會無聊諗，宜家同自己相識嘅朋友，喺相識前會唔會曾經喺邊度見過或擦身而過呢？
唔知有冇人好似我咁覺得周嘉怡同談善言把聲幾似，所以我覺得佢地後生版同中年版特別銜接。 相反 Ken 嘅後生版同中年版，雖然性格連接到，但係外型差距太大，睇嘅時候總係覺得唔係好投入。
仲有好想講，呢套劇嘅拍攝鏡頭角度真係藝術感强到一個點，有好多留白位，導向位，反射位，齋睇佢點用鏡頭都已經係一種享受。
4個讚