我係7week開始勁嘔。一日嘔4、5次仲要勁暈。啲嘔聲咁難聽係人都知咩事，跟住太辛苦差唔多返半日放兩日。如果唔知大肚應該炒咗。
我係搵婦科醫生驗咗，出咗醫生證明就跟公司講，唔差幾多日
一知有左就講，只同大上司講，避免做粗重野
一有就同直屬上司及HR講. 越早話比佢地知, 佢地越早可以安排人手.
你去產檢又或者辛苦要請假, 佢地都可以早作安排.
但會同佢地講聲唔好張揚住. 始終怕BB小氣.
8個星期check左BB有心跳, 就即刻同同事講, 頭三個月真係會成日唔舒服, 至少請多兩日假啲同事都表示理解, 又方便佢地調動人手 
1個讚
我一check 有左就同上司講，足三個月先同同事講。
本來都想三個月先講，但未夠就當時開始爆武肺
焗住要講，大條道理好好保護自己
做得啱呀, 一有就應該即刻出聲, 反正都係要講, 如果冇講中間有咩事仲大獲
最慘係佢地會令我覺得係咪自己做錯野令到bb冇佐。其實已經好傷心。所以我細仔果胎。我去到照完結構先講俾多啲人聽。
果時我係爭兩星期就三個月但我都通知上司先，其他同事就夠三個月先講
拎懷孕証明果日，可以要求私家醫生寫一日假
我一有知有左，第2日番工就同直屬上司講，方便安排工作，好似係上司幫我通知HR。
同埋岩岩有左果時胎唔太穩定，請左成個星期病假，同事都有關心下咩事，最後到左夠3個月先講比大家知有左。
建議一知就通知上司，保障自己，同埋請假都方便d，
我夠3個月先講
因為之前試過陀唔穩早期流產
不過我公司唔會因為你大肚唔鍾意你借D意炒人
所以遲講都無所謂啦
我係一驗到有(有埋醫生信)就同公司講， 因為我份工係高危，會成日有機會接觸到疑似個案， 同埋我啱啱有咗個陣疫情最嚴重， 所以一定要早講。不過我都只係同咗我對上嘅老細交代， 其他人都係之後先知嘅
我個時拎到懷孕證明，覺得個心定d喇就同公司講，但係要求佢地唔好同其他同事講，因為頭3個月變數太多，唔想有咩事傷心仲要同人解釋
一有左就講，可以要求上司同公司HR keep confidential
我去診所驗左後就同直屬上司講，其他同事就3個月先講，始終怕小氣呀嘛 