我奶奶成日同我講佢喺電視上學到好多野
我屋企未有, 上網睇緊唔知邊隻點點讀筆好
幫唔到你添！我淨係用故事機咋，不過我估呢到應該好多人識點讀筆！
你餵奶個時可唔可以捉埋大b入房？
其實唔駛諗咁多邊隻點讀筆，想平平地玩下先
可考慮food超人，$200幾蚊，但得一本書。不過如果ok再買其他。
小朋友很多時候根本不可能自己玩，叫佢玩玩具，多數會叫附近大人一齊玩，自己玩都玩唔到一陣。老人家想小朋友唔好打擾自己就係咁，所以過左兩個月，細b好湊d,就要多調轉，老人家湊b,大人湊哥哥。睇下會唔會好d.
同款奶奶，去親佢屋企都係長開電視，我話唔比睇，奶奶即刻會狂講"哎呀你阿媽唔比你睇電視，真衰衰"。咁我深知係人屋企無理由叫佢熄電視就由佢開，BB 眼定定咁望住電視，奶奶不斷LOOP “你睇BB幾鍾意睇電視，點會唔比佢睇架，你睇下佢睇得幾開心”。
真係頂佢，大佬唔係BB 鍾意做咩就比佢做咩架，唔通佢大個淨係鍾意食腸仔我餐餐比佢食腸仔？
我覺得你奶奶咁做係人之常情，十個十個長老都係咁，佢邊會有心機同小朋友睇書講故事。佢地錫、湊孫方式係咁。
講真同小朋友玩係好悶，玩15分鐘我自己做ar媽都想抖下。
你一係俾錢請個人同小朋友玩，一係你就照顧少d細b , 叫奶奶幫你湊細b,你湊返大果個
針無兩頭利。叫奶奶改變無可能，睇你想點改變自己
小朋友返n班未？有嘅話，未話老師話個小朋友坐唔定，上堂唔專心，學習無耐性，老師話可能同睇太多電視有關，老師話小朋友睇太多電視會影響個腦，將來有學習障礙機會會高。
餵完奶細B就會瞓, 大B入埋來細B就唔洗瞓
因為疫情關係遲左番childcare…
其實一早同佢分析過專注力嘅問題, 佢就覺得可以學到野…
其實我理解, 上星期我唔舒服都係由得佢睇
奶奶一把年紀冇精力同個B玩都正常
只不過個B其實自己都可以玩一餐
用speaker播音樂又可以自己跳呀唱呀又一日
自己揭下書亂咁畫下又一個鐘
之前奶奶离開三個星期, 阿姨幫我手湊, 阿姨唔識開電視, 由我掌握睇電視時間, 個B都好乖自己玩玩具, 去到夜晚沖完涼食完飯先睇一陣
問題就係奶奶任何時間都想開個電視
朝早起身喊即開電視等佢唔好喊
食飯又想開電視等佢易啲餵
一扭計即開電視等佢唔喊
總之開電視俾手機就萬試萬寧
講好左政府指引係每日最多1小時screen time, 佢同我講太少, 又話十二點有節目啱佢睇, 六點又有, 結果係十二點睇到三點, 四點半又走去開到七點, 之後八九點繼續睇, 平時如果唔瞓晏教九點半就頂唔順要去瞓, 但睇電視個B成日睇到十一點, 奶奶仲話太早瞓個B瞓唔着…我唔理佢地果幾日, 一日睇足八小時, 真係唔係講少
電視buffet果幾日之後, 我好番, 想同阿B學認字, 佢無興趣, 講故事書, 佢無興趣, 砌Lego, 佢無興趣, 連坐喺自己張食飯櫈食飯都唔制…
今日係第三日斷阿B電視, 佢第一二日仲嘈住要電視, 今日已經乖乖地自己睇書, 畫下畫, 又播左半日音樂俾佢聽, 又肯同佢爸爸傾下視像, 之前睇電視睇到連daddy都唔肯叫, 所以佢爸爸都比較支持我嘅做法
個b自己玩，對奶奶來說就是搞到屋企亂哂，一陣仲要幫佢執玩具。
所以，如果長時間及長期要奶奶幫，經濟許可或者請姨姨，或者送大B去育嬰院。第日幼稚園揀定全日制。
我諗除非大B短期近視急升，否則你奶奶維持原判。
你講得岩, 如果經濟許可的話, 喺香港我實請姐姐
我之前都有請, 無奈剛移民, 又唔出得街同唔報得childcare
宜家我收起搖控, 每日除左餵細B食奶同做家務, 基本上都同大B一齊玩, 畫, 睇書, 學寫字, 問題已解決
個B係我嘅, 唔專制唔得