住緊觀塘, 其實48校網唔差
我覺得好校網係多選擇嘅校網，每個區都有好勁嘅小學同所謂嘅寶校，好嘅小學係邊區都應該多人搶，分別在於多唔多二線學校揀等大家分散投資，如果個校網一線又得一間，二線又得一間，又有幾多家長唔搶而一開始填寶校呢。
記得上年我去小朋友間幼稚園攪啲手續，咁啱嗰日係放小學大抽獎結果，有家長向校長講派得好差問緊意見。大抽獎就係有人歡喜有人愁嘅賭博，就算一開始揀二線，大家都係咁諗而又咁填時結果又係會有驚喜，我唔係想小朋友入神校，只係想增加大抽獎唔輸嘅機會率啫
我有個同事本身名女校出身，結婚死慳死抵呼吸plan都要買名校網既樓，狂睇醫生計劃快啲生小朋友因為都屬於高齡，點知幾年都無小朋友
貧窮人生左幾年唔知為乜
我同你一樣，MOS搬出大圍，主因係湊細路嘅屋企人住大圍…返左一年N由大圍入MOS，每日兩小時車程，屋企人頂唔順，K1轉咗樓下國際幼稚園，現在已讀小學。另一邊屋企人34校網，不斷游說我搬近佢哋，或者誇區去九龍塘讀，但我都嫌遠，啋佢都傻～（叫我請工人湊，但大圍屋企人係自己湊）
藍田方便呀！就算讀直資，TKO都有好幾間！
我都係因為小朋友，同娘家同一個屋苑，因為媽咪幫我湊，校網不過不失
有咩好學校？
生左小朋友已經搬左3次！
識2 個朋友都為女女搬去名校區,2 個都有私小係手不過都不及抽入的maryknoll及St Mary’s , 2 個都有妹妹, 一次搬屋搞掂2 個, 佢哋話好值得。St Mary’s 仲係一條龍添。
1個讚
觀塘唔差，但中學黎講係有少少失望。
你兩個朋友咁好彩，搬屋就抽得中心儀學校。我見好多人搬咗屋都係抽唔到
識人係一仔一女 41 中曬兩間頭獎，羨慕死人。
1個讚