已經有2個，絕對唔會再生。
多兒多女多冤家
我就係獨生，真係好多野唔好
細個又悶
屋企係俾曬最好嘅野我啊
搞到我好大壓力
老人家家老左得我照顧仲大壓力
朋友幾好都唔同兄弟姊妹
我有朋友生四個
父妻感情路落冰點…
我身邊生得多反而環境係稍差
一個都冇，老公本來想生而家多謝我堅持唔生，少好多煩惱
唔生係人生最正確決定
1個讚
你講中晒我心聲
。
但有時聽有兄弟姊妹，如果感情唔好大左都未必互相幫助，都係各自各咁。
點解冰點都會生到4個
解釋唔到
有人真係可以冇溝通但都會行埋
純粹為生而做？
係純粹解決需要、生完出嚟先知呻自己得太多
有啲人係會「迷信」小朋友可以挽回一段感情掛
我身邊朋友多數細個感情唔好，
但大個都唔錯。
起碼屋企有咩事大家商量，
我諗兄弟姊妹感情同家長引導都有關嘅。
我想問係咪你父母本身都忙，無時間陪你？
所以才覺得獨生唔好？
我宜家好羨慕我仔，佢係獨生，想學乜就有乜，又可以霸晒父母。
我原生家庭係兩姐妹，性格一動一靜，做左四十年姐妹都仍然似陌路人，因為性格相差太遠。
如果我屋企人有事，我諗都唔會點商量，因為兩姐妹一個慣左話事，一個慣左比人話事。
所以我堅持一個就夠，幸好我仔亦唔想要弟妹，佢想獨佔家中所有大人 
2個讚
唔係呀，我媽咪係主婦，唔洗做嘢，呀婆細個臭到我小學。我爸爸自我有記憶以嚟多數6點就返到屋企，都會有family day. 但就算佢哋陪我，我都會想同同年紀嘅人玩架嘛，依家大個諗返覺得自己有時有啲寂寞，我仲記得我會自己一個捉棋
我都係想學乜就學乜架 不過可能因為咁，以前細個都唔識珍惜。同埋比較唔知足，係大個屋企環境大轉變，冇辦法先嚟個大轉變成長，如果唔係我諗我仲係一個公主病麻煩友
多謝你回覆，等我明白多一啲獨生仔女成長嘅感受。我都有啲朋友係獨生女，佢哋都覺得細個好悶，大個咗堅持要生兩個。女仔又慘啲嘅，父母多數唔俾佢哋自己同朋友落街玩，男仔就可以。我仔同佢嘅幼稚園同學好熟㗎，放學同埋假期都成日約出嚟玩，唔會俾人困係屋企。
其實講到尾都係人睇你好，你睇人好，我未試過獨生，當然希望做一次獨生仔女
至於人生會否成長，會否知足，我覺得同有冇兄弟姊妹係冇關係嘅。我同個妹性格南轅北轍，結果我仍然係一個好自我嘅人。諗返轉頭，我會覺得係因為父母要返工冇時間教我同埋陪伴我。我唔會怪佢哋，上一代搵食艱難，冇時間教仔佢哋都唔想嘅。
1個讚
大家分享下
我聽朋友講佢地另一半獨生，有時性格都幾奇怪。不過當然呢啲最緊要都係睇家庭教育同際遇，朋輩影響好大，近啲好嘅朋友自己性格都會改變。我細個果陣呀媽會帶啲表斷弟妹嚟同我玩，會比較易呷醋，即使我都錫表弟妹，不過呢樣可能係我個人性格問題姐。獨生唔緊要，做父母嘅你主動引導佢哋應該冇問題嘅。同埋獨生可能會比較自我中心，因為全家都郁錫曬我，我細個出街唔洗行路架，呢個抱完到第個咩，諗返起都覺得自己太幸福，哈哈！
其實今時今日獨生問題應該比以前少
以前冇咁多資訊、冇網上
今時今日識朋友比以前容易
有咩唔開心、出Post問陌生人意見可能好過自己識嘅。（e.g.係咪離婚、問識嘅人咪比人知自己有問題）
Touchwood 突然屋企人去咗、唔知要做啲咩、都可以出Post問
1個讚
同埋有樣嘢我想講，就係獨生壓力都大。因為大個左屋企人有咩事得我一個頂。屋企人離婚，媽咪過左身（果陣我先20歲左右），之後照顧呀婆呀公嘅支出，無論精神經濟上都大壓力，不過我好彩係1當時嘅男朋友俾左好多支持我，先捱到，唔係我都幾崩潰。所以我會諗，如果有兄弟姊妹起碼真係有人可以同你分擔。就算關係唔好或佢哋唔會承擔，起碼屋企人唔會將情緒放曬係我到。
可能唔想用套？