一啲啲啦！
有啲係貪得無厭，永遠覺得唔夠。
另外就係我自己本身會計住每日用幾多。
唔需要揾個人返黎管住我點用錢。
1個讚
我覺得幾十歲人，份糧都管唔掂，要個老婆管，真心廢
1個讚
有啲就真係左手黎右手去。
但係有啲係個老婆問題，控制欲超強。
都係，同埋話男人有錢就身痕…其實而家婚外情呢家嘢，有冇錢都可以有機會
我地都諗過
不過62應該就…比較無咁嘅可能性
因為性格使然，我地都觀察左好耐
佢地又特別係中港婚姻
不過係62中，99港
99係好有優越感同強勢
不過唔提上一代
我身邊都有朋友係老婆強勢
但個老公性格好好
又係出黎朋友面前都話老公咁咁咁
我朋友係從來未煮過野俾小朋友食
因為老公搞掂晒
性格好好，但比個老婆恰…
講真，響屋企幫埋手洗腳都得，但出去比返少少薄面個老公，這是禮貌
我地有時都睇唔過眼
趁阿老公行開左笑住話佢
其實你老公好好做乜成日話佢
但佢不以為然
覺得應份
只能話一個願打一個願捱
無咩外來衝擊，同老公夠定力
應該ok…掛
冇事咪冇事咁囉…總有d人慣左做下把…
有個auntie都係咁，呼呼喝喝佢老公，人前人後都唔俾臉。聽屋企人講呢個uncle後生離開過頭家幾年，掉低對仔女俾auntie一個人湊。浪子回頭後就變老婆奴，過年過節都淨係做auntie女家一邊。
我覺得江山易改本性難移，佢偷偷做其他嘢又邊個知
而家應該洗心革面掛，2個都退休湊孫，平時要車出車入做工人，auntie都叫守得雲開，呢個年紀都唔會想無左頭家啦。
要攪到咁，大家都辛苦
不過我見果d都後生，有d人覺得咁樣係防範於未然… 卦…
我就做唔出咁啦，幾十歲人，真係要變，let it go
個太太大方得體先可以帶出來見朋友，反之亦然。如果另一半出到來擺款+黑面，失禮又冇面，好奇問下，乜Lee d人有人鍾意架咩?
我冇見過lee d強勢couple。身邊d男士好有禮貌，聚會帶埋另一半，會幫女士拉櫈，好有風度。
或者我識果d人太熟，太不x小節，再最真性情嘅一面按表露出嚟卦 
死啦，我老公係成份糧比曬我，留翻車錢比自己既男人。。。
因為結婚初期，試過錢距keep負責所有洗費，距對我地兩母女好大方，要買乜就買乜，我又無幫距計住條數，半個月已經無曬份糧，我睇完個結餘o曬嘴。
我應該係你地口中既惡女人
因為我覺得距有乜做得唔好會出聲講，而距翻工嘢都會問我意見，有時我都會忍唔住鬧下距，m到前更會發脾氣，但鬧完距距都會反省下自己衰乜，有時我鬧得勁都會反省下自己做乜咁惡，而有d無傷大雅既位我都由得距。
但我老公同我相處又無乜嘢，無抗拒，無乜hard feeling，距有我都應該feel到，但結婚十年，距都係lunch time會打電話報到，放工即刻翻屋企唔出去飲嘢既男人。
有時我覺得距特登做下把讓下我呢個無業婦人，距比曬d錢我keep，我又唔買護膚品唔亂買衫只係喪買個女d嘢，其實女人都係要安全感，我食住距既時間多，平時大多數事情都係我做決定，但有大件事，一定係距做決定，因為有咩大事都會距負責頂。
我唔知私底下距想唔想離婚，我估我訓距隔離都唔知，外人都好難知，有時候兩公婆既嘢真係得自己兩個先明。
其實我本來係想講，有外人響度，個老婆下下都要擺出強勢姿態果d。講真，佢地屋企點樣冇興趣知嘅
一定唔會係朋友面前數落另一半！係基本尊重！
1個讚
係當住另一半+朋友親戚面前，大大力話另一半，仲要係d小事。例如: 夾送
老婆人前數落老公真係唔知咩心態，冇自尊心嘅男人先頂到lee類老婆，勁冇面lo。但一個咁嘅男人，又有咩吸引力呢?