我一樣都做唔到
好同意，心態好重要！
無論對方做幾多野都好，自己點睇&會唔會珍惜先係最重要！
例如一啲小節日，復活節咁，同老公提一句想食朱古力蛋，佢就趁出去買嘢時買左舊蛋型朱古力番黎收埋係背後比小驚喜我（佢特登諗吓香港邊度有得買，因為健達已經冇出好耐），我見到佢真係有買就已經可以開心成個假期（其實買唔到都冇所謂唔會嬲），佢見到我開心佢又開心～就一齊開心！幾十蚊已經好sweet了～
4個讚
夾岩時晨八字…
好羨慕你哋夫妻關係仍然咁sweet, 我跟丈夫結婚17年多，近兩年因為佢認識咗一些朋友好傾得埋，佢對哪些朋友好關心、多話題、見面食飯。一向大家關係不是sweet 嗰種，基本上沒人拍拖時候，現在情況仲惡劣，大家無乜嘢講，朋友約他就唔理屋企。
我表達過、哭過、鬧過，好幾日又係咁。佢成日話大家需要靜下，問佢又話唔係想分開，仍然好愛我和囡…
我個心好痛。我都唔知呢段婚可以撐幾耐？會否有雨過天青嘅一日呢？睇唔到前路怎樣行
其實好多人都會接受由「愛情」變為「感情」然後「親情」
我覺得其實係睇自己點樣去調節心態
你同老公已經17年，講真，有d人連拍拖17個月都涯唔到已經分手
你再細心d諗下究竟問題出係邊呀
我都覺得浪漫+sweet並唔係靠金錢堆砌
一切在乎個心
咁前提係…
大家既然結婚，應該都係相愛先會結
但相愛過後要keep N年，真係一門學問
係咪真係會內疚認錯㗎？
我都想知
其實我個post係問如何相愛下去
但d回覆我望返多數係兩個相敬如賓mode
其實我哋見過社工，佢話結婚以來一直都有壓力，跟朋友一起可以舒壓。近呢一年我都有反思，對佢多關心、攬吓、錫吓，但佢話我對佢好他感到害怕。我聽完好傷心，問自己原來係咁討厭的。
我諗先決條件係價值觀要相近，係呢段關係當中要有共同既目標，之後大家一齊隻眼開隻眼閉，永遠講說話唔好講得太盡，唔好過分執著一啲已發生又不得改變既事，唔好一味諗愛情兩個字，去到某個位自然係家人，係生活既伴侶。
拍拖加結婚十幾年，除左講我愛你呢樣太肉麻好少講，又真係個list大部分既野都有做
節日一定慶祝但禮物就無特別買，因為平時已經亂咁買出街一定搵手拖訓前會錫啖先訓得著
拍拖果時會每日一電，而家結左婚就whatsapp問吓有無咩樹，有野返屋企會傾下計，一齊做無聊野食零食～造作野自問我兩公婆都唔興，不過我覺得女既有時候係要咋下嬌，亦都有時要縱容下男方俾返啲時間佢做小朋友。大家返工做人已經好大壓力，返到屋企都想有一刻俾人錫俾人氹既～最緊要大家公平啲唔好權力傾斜同埋有啲時候要識做，唔好煩～touchwood咁多年我地真係極少鬧交，小事滿足好緊要，幸福唔係必然，所以對你好果時真係要讚同感激同俾佢知你咁諗
2個讚
一定要有交流,無論心靈上,精神上,抑或肉體上.
心靈上 :
多傾計,乜都傾.
如果個男人會同你傾工作上嘅嘢,就perfect.
軟弱時鼓勵,強勢時打沉.
好多時見女人,開口埋口自己付出乜乜物物,
例如成日講個男人要錫自己,但從來冇諗過,男人都要人錫要人關心.
精神上 :
好多女人經濟獨立,家務又會做埋,跟住喊咁口,又付出乜乜物物.
唔係唔比你講,不過講得多就冇用.
反而家庭上嘅嘢,點都要比番D男人負責,例如「男人」嘢,整燈/整電腦電話.
乜都你做晒,佢喺家庭上有咩用處?有咩地位?
當男人,喺家庭付出愈多,就愈痴家,愈覺得有D嘢冇佢你唔會搞得掂.
肉體上 :
拖手,攬攬,咀面珠,唔係女人先受,男人一樣.
唔好比以前塑造嘅男人形象欺騙,男人同女人其實分別唔大,只係根深柢固嘅觀念,
令男人表面上比女人要強.
2個讚
係呀，身體接觸好緊要，因為怕羞，冇寫第21點，最最最重要嘅一點：sex。有好多夫妻關係就係衰左響性生活唔協調上面，冇sex，似同屋關係，冇激情加入，純愛情就太過平淡，亦易進入親情模式。其實錫面同攬住嗰陣已經可以feel到對方個反應，由錫面去到錫頸就隨時可以有下一步行動。
P.s.Sex唔係只有一方去取悅另一方，要大家都享受，任何一方只顧自己感受都唔work。
同意。
大家都要付出，男人都要氹同讚。
小小鼓勵都足夠
[/quote]
你生活重心响老公同女度？
你多朋友嗎？
你多D找自己D朋友啦
太太對丈夫好反而讓丈夫有壓力，那麼問題有點嚴重了。家庭是給予支持的地方，但他選擇避開，去見朋友⋯是一大班朋友那種聚會?
可能佢想要既根本唔係呢啲，但又唔敢講出口怕仲傷到你
一齊慶祝啲節日 生活有儀式感好重要〜
揾啲活動一齊玩下 好似我想去學插花 老公都陪我去
佢想去玩陶藝 我都會陪佢 有共同經歷好重要！
先可以令生活一直有新鮮感〜
溝通真係好重要。每晚唔可以pillow talk，都要每星期好好咁傾吓計，了解對方。
就算結婚幾耐都好，都一定要拍拖，一定要氹對方，就算對方話都咁耐啦，唔駛氹，但真係要氹。
一個愛嘅表現可以影響大家心情同關係。
我同老公會send愛的sms ws message…
我哋仲會寫咭俾對方，會有小禮物小驚喜。
1個讚