我家族其實好興d女朋友去我d表哥、表弟到過夜，有d 直情半同居、同居。可能我家人開放，大家都覺得無所謂，仲相處得好好，最後結哂婚添。
2個讚
唔關cheap唔cheap事，而係驚打擾到人
其實sex都可以唔過夜照上男友屋企做既
問題係一過夜就代表有朝早夜晚爭用廁所、沖涼問題，又驚行出行入阻到、嘈到佢屋企人等等
我都係做女但我寧願book酒店過夜
3個讚
換個角度
如果有個女，會唔會比佢個個星期去男朋友屋企住
我都識人係咁。
其實簡唔中瞓一兩晚都ok嘅。
但我識果個係由簡唔中變成長住，仲要男嘅屋企人照顧，煮飯洗衫樣樣齊，根本就照顧多一個囡一樣。
兩個出去做嘢，但家用冇變。
其實唔係講cheap唔cheap，同搞唔搞嘢嘅問題，亦都知時代已經變咗，但起碼做仔女，先同父母相量，唔好夾硬黎。
如果對方家長係表示歡迎，都最起碼俾下家用，又或者幫手做家務，唔好老逢。
我有小朋友，日後如果係咁我都唔知點算。但會喺佢細個嘅時候，多點灌輸自己嘅想法，希望到佢大個咗，會先同父母商量。
4個讚
同意, 我覺得最好租酒店/渡假屋, 甚至搬出去同居. 不能下下只顧自己happy, 方便, 應該要考慮對方家人感受, 諗下自己嘅行為會否滋擾到其他人.
如果我間屋成日無啦啦有個陌生人喺度住, 我會覺得佢超討厭.
7個讚
瞓一兩晚都理解,但又食又住又唔做家務就沒家教 :: 
一到weekend就有條女送外賣上黎比個仔
真係要睇下對方家人接唔接受。
我識一個男仔，個個星期六係女方家過夜，係女方家人留佢。
本身佢地一個住東一個住西，如果星期六去完街送女方回家，自己再返屋企就好夜，女方爸爸媽媽都好鍾意呢男仔，而且屋企有地方比男仔一張床訓，所以，佢地會習慣星期六留個男仔係屋企過一晚。
不過呢個情況，我都只係聽過一次。
1個讚
幾個情況接受到：
兩家住得遠，例如屯門同小西灣
男家屋企人好鍾意有個囡
女仔會主動做家務
就結婚前幾個月要多planning
梗係no
屋企冇地方你住咩依家?
得閒無事上去阻住人，會灌輸係冇家教行為
2個讚
俾我真係會趕走，同外人嚟佔屋企人便宜，都唔見得有幾愛自己家人. 我寧願要私人空間多啲
2個讚
係、多個外人好唔自在、有時覺得好奇怪、結婚都唔想同奶奶住、點解未婚要去呢、仲要有其他屋企人喎！
3個讚
我結婚前都有試過，而且好快100% confirm 結婚後唔可以同99一齊住
我覺得重點應該係要有自己一間獨房唔好影響人
所以有時真係唔明d 女人屋企人點諗
唔會叫個女唔好去架咩
我唔知其他人點諗，男朋友來啫，一日未結婚一日都係＂朋友＂。由細到大家庭教育都講到未婚懷孕唔係太好，所以唔會去人地屋企過夜。
1個讚
其實都唔關話咩年代事，唔係話因為封建所以唔可以婚前試吓一齊住，如果男/女方獨居，另一半去同居，大家ok就無問題~
但絕大部分帶個男/女朋友番屋企訓嗰種，最後都會有屋企人唔鐘意的，之後演變成講閒話。
係因為其他屋企人大多數都會覺得唔方便，又或者媽媽要洗埋外人嘅衣物真係會唔鐘意
5個讚
呢個topic幾好。
我哋屋企比較注重私隱，覺得有外人留宿，會唔方便。
如果每個周末都有人來住兩日，依家接受唔到，以後唔肯定。
1個讚
個仔既女朋友，其實算唔算外人
不過呢，d 女仔通常都係一黎就入房，唔會同其他人打交道，感覺就冇咁好，好似當人地屋企酒店咁
點解要去人屋企住兩晚? 如真係有需要, 可以去爆房呀
1個讚
朋友咋，我覺得算外人。
係男朋友家過夜，唔係cheap, 而係唔方便。除非男方家人全部都係冇所謂之人。