你叫佢列明新抱理奶奶係應份嘅理據,問埋佢認為女婿應份要做嘅項目.
用筆寫喺張紙度.
睬佢都傻，我對你父母好，緊係expect 你都對我父母好
佢個字典入面係咪冇公平呢兩個字⋯⋯
定係佢番工+呼吸都會攰，然後老婆照顧小朋友加處理生活大小事都可以輕鬆自如？
唔係話兩夫婦一定要好計較，乜都要一比一，不過至少佢個腦入面要有把公平嘅秤，對方自願做多左佢要識得感恩囉！
好簡單一個例子，大時大節要買禮物，我好自動會做，但有時做慣左，另一半就會以為係奉旨，直到有一年我真係諗爆頭唔知仲有乜嘢未送過俾99，就同老公講『平時我幫你買禮物送俾你阿媽，點解你唔會買禮物送俾我阿媽嘅？諗買乜嘢其實好難㗎，不如今年你都諗下送咩比我阿媽啦？』
然後老公就即刻知衰話『不如我阿媽嘅禮物我買番，你阿媽嘅禮物你買番啦，如果你覺得好難做嘅話其實可以唔使做㗎。』
當然，我知佢一定會勁求其咁亂買甚至唔買，我都唔想99唔開心，最後都係我買返，但最緊要係佢明白我而家做緊嘅嘢唔係奉旨，而係一番心機。
平時有好多生活上嘅嘢都係，我做多左唔會同佢計要佢做多番啲咩，但我會比佢知道本身呢份責任係兩公婆都有份嘅！
點解FTM就正常要湊奶奶？FTM就要忍耐？
你兩公婆嘅溝通我好欣賞，因為大家聽完之後會理解對方感受。我老公係唔到我喊佢都唔會認真看待。
係咁嘅，大時大節，我哋都係請食飯黎代替買禮物嘅。
未有小朋友嗰時，大時大節啲飯局，女家嗰邊啲飯局我老公都會出席㗎。但個仔出咗世之後就唔同喇，差唔多一年了，都無出現過女家一次嘅聚會，每次都得我同阿仔去。相反，男家啲飯局我哋一家三口出席曬，仲要係正日。所以，心裡面已經慢慢有條刺。我投訴過，但老公話我嗰邊啲飯局成日揀平日，好難去㗎喎。我同佢講咁男家啲飯局你自己帶個仔去食啦，我唔去喇。之後佢話唔得，點可以咁㗎。之後又轉移話題lu。
唉…
2個讚
唉⋯⋯我完全想像到你個情況！
雖然我同老公有溝通但係我都唔想逼佢做啲佢唔鍾意做嘅嘢，例如佢都唔鍾意同我父母食飯（其實佢係唔鍾意同任何人social，包括自己父母親戚
）所以每次都係我逼佢同佢父母食飯，我父母都知我老公難搞，所以其實一年都未必令佢哋見到一次，平時都係我自己返去娘家坐吓食下飯咋，我明白你個種唔開心，不過我已經睇化左。
新婚嗰陣都好介意點解我成日去6299到報到做乖女，但老公就連招呼都好似唔識同我父母打咁⋯⋯
慶幸嘅係我父母都寧願我老公平時錫我就得，好過因為呢啲見面嘅事而影響我同老公嘅關係。
幾時得化呀~結咗先差唔多三年！
我老公都唔鍾意social，都亦唔鍾意同自己屋企人傾計，但就好似唔係好明己所不欲，勿施於人呢句話甘囉。
我諗我哋唔同既地方係對方父母。老公個阿媽係嗰啲你對佢愈好，佢就愈向你索求得多嗰啲人。做新抱，對住呢類人只能客客氣氣，相敬如賓，守好條底線。但就比人話我唔係「傳統新抱」，唔主動搵人老母。