我而＋一個月只比自己買一件衫囉。
鞋比較少癮，但一買可能買幾對。
呢個疫情時間買少多嘢，覺得咁幾好。真係唔需要咁多，希望之後都ｋｅｅｐ到啦
咁你係心隱好難幫到你，你買既程度去到邊先？每月掃好多鞋，每對5千幾起跳？全份糧洗晒？買左係咪會影響到你之後的生活？會既你仲買咁都無計
CUT 晒D 卡佢.
身上帶50蚊CASH就算~ 
斷捨離一次
就會發現平時買咁多，好多牌都未剪就唔著，又有好多著一，兩次就放櫃底，一大袋真金白銀買回來就掉。
之後每次買都會忍手，執好後掉一件先買一件，鞋就爛一對先買一對。
會返屋企拎卡拎錢再出去買，變相晒多程車錢
減低對"貪靚"既追求
唔好咁多心，簡簡單單就算
1個讚
執衣櫃
然後會發現好多買咗未著過/ 好少著嘅衫
鞋就掉一對舊的才買新
2個讚
買嘅程度就係想買就買，鞋唔會每對都5k up，不過一對5k好平常
買多過自己需要，我應該有150對鞋以上 （但暫時無影響到自己生活）
所以今年我都為自己訂下目標，挑戰自己2020年唔買衣物，希望反省下，可以多d控制下慾望
我覺得停咗買衫相對可以控制埋其他方面慾望
跟本冇心情shopping
淨係想將d錢用喺有意義嘅事上
咁自己要去做呢個動作，無人俾到方法你，自己節制下。不過講真，有能力，有地方既，買又唔係罪過，個人喜好遮，反正又唔影響到生活，唔怕要個仔養。
但去到某個位，我都會反醒其實買多咗其實都無用，心態轉變中…
希望今次可以努力減買
1個讚
我未至於戒，但好左好多好多。
我以前係個個星期買，衫褲鞋襪袋，化妝品護膚品，食物，雜物等。
我一直想改，但想買嘅嘢係成日都有咁。
之後我就逼自己將成間屋執一次，全部執，執衫執到喊，之後係袋，雜物。
書同衫多到要分好多次捐同送俾人。
我屋企個鞋櫃好大，一向full，以前再買鞋就放入store room，而家就冇位冇得買，掉一對就將Store room 鞋盒放入鞋櫃，我今年買咗一對鞋咋，簡直奇蹟！
我仲睇咗好多環保嘅嘢覺得自己好折墮，仲有，我每日會同自己講真正需要至可以買。
慢慢來，我老公話我而家已改善好多
2個讚
畀啲藉口自己唔好再買
例如 要慳啲錢， 要環保， 要掉十件衫先可以買一件衫， 買衫好煩， 好易買唔啱心水……………
我自己係每想買一樣嘢就會諗好耐究竟用唔用得著/啱唔啱用/係咪冇佢唔得, 如是者我每次諗得嚟都已經過咗個購買慾
記帳好有用
首先要知道自己使幾多
以前我真係行行下街 拎住袋菜都買到件衫返黎。
而家做左師奶，無返工，有限既家用，多數d錢去左買小朋友既衫。
上網睇衫，可能隔一日就唔鐘意，咁就唔買。
行街睇衫，諗下屋企有無衫褲鞋襯佢先，諗諗下睇下隔左兩三日又無癮想買。
屋企無位放鞋，鞋就買一對掉一對。
呢半年無買過衫，不過就買內衣褲替換下。
暫時覺得，買一掉一就對我Work D
我依家都少咗買無謂嘢, 唸起好多手足連屋企嘅溫暖都無, 飯又無得食.
仲邊有心情買咁多無謂嘢丫, 捐完錢, 食貴D都去黃店, 心靈更加滿足.
我當年有個時間買擺設都買好多。斬手指既原因係，我試過搬過幾次屋，執到hihi，然後突然覺得呢D身外物好阻埞
再跟住，後來鍾意咗整手工，冇時間睇嘢冇時間買嘢，然後就買少咗好多。。。
心理學既角度，叫自己唔好做一樣嘢係唔work架，因為個腦唔太收到-ve既訊息，即係叫你唔好諗一隻粉紅色大笨象，你會即刻就諗既原理
所以搵第二樣嘢做吓打發時間，等自己唔記得有呢樣嘢；又或者叫自己要做乜嘢：例如每次想買衫，就將舊錢捐俾有需要既手足。
不過講真，冇事冇幹好難話戒就戒，慢慢來啦。
2個讚
我都係。多野搬屋真係好慘，越搬越少。
而且發現女人有樣野同男人好唔同，就係會周不時買定d野看門口，倒頭黎過左好耐都冇用過。
玩斷捨離, 買一件要掉一件/兩件