我都唔捨得佢哋大，但又真係大得好快
如果個女要嫁人，我怕我爆喊，佢依家仲只係幼稚園，但就成日問結婚既野，已經有一顆恨嫁的心
非常有同感
我估好多人生多一個就係想懷緬返小朋友小時後
我都唔捨得個女大得咁快
同感,每日見到佢成長多一d,自已老一d,到佢大左離開自已身邊時,今時今日的點滴就最令人回味了。所以希望創造多d回憶…
我都仲當佢係bb, 手機相唔捨得delete
一得閒就開黎睇
小朋友真係大得好快
我都唔捨得個女大
影開啲相一拼埋
就發現時間過得真係好快
要學會放手啊，分享一下我經驗︰我最細，我阿媽管我最嚴，成日唔想我大，中學乜街都唔比去，廿幾歲去邊都問住，留長髮都好多意見
講真，我好怕佢，一啲都唔 close，因為我由細到大最怕被佢管，我好反叛。而家佢好老，我都仲好有陰影，母女冇乜緣份，我有乜都唔想同佢講，因為佢冇了解過我，冇尊重過我人生
我當然唔係話大家係咁，但唔好太 attached to 小朋友，對你哋對佢哋成長都唔好
1個讚
做媽媽真係人生中最特別既經歷，感謝仔女㨂左我做佢地做佢地既媽媽。
佢地教識左我好多好多。
我唸冇左佢地既人生，都可以好精彩，但我就會miss左人生中一個好重要既功課。
我個女係比其他人大得特別快，有時我會好感概佢大得咁快。
係…我都好感恩, 我可以當媽媽, 我係過來人, 但同樓主有相反嘅諗法, 我係在職媽媽, 工作好忙, 阿女細時我成日都好想佢快D大, 唔好痴實我
… 不過, 我幾忙每晚都會同佢傾計, 攰C 都同佢傾10+分鐘, 試過攰到係阿女房瞓萫咗… 我個女已成年, 佢好有主見同目標, 但仍舊好痂我, 無論讀書工作甚至睇男仔都同我講一大餐, 見唔到人, 都係whats app留一大段癈話(我認為係癈話啦)…所以樓主, 趁現在好好培養兩母女感情, 大家互相分享日常喜與樂…到阿女大個, 都習以為常, 會繼續同你好close… 到依家我同我阿媽都好close, 我阿媽係深黃阿婆, 佢一知道我屋企附近開阿布泰馬上通知我入貨…
1個讚