我覺得依家少出街 無得上堂真係爭好遠
唔洗同人比較啦，佢可能而家仲係海綿咁吸吸吸未爆出來都唔奇呀，照教住佢再睇睇，兩歲都好細姐
2個讚
如果你心底都想拎到轉介信去CAC 排，我建議你要講得嚴重少少…咁樣d姑娘先會幫你轉比醫生，再睇醫生幫唔幫你轉介
因為衰d講，健康院係流水作業…一定會叫你再觀察下先、等半年後再返去跟進…但半年真係好長嘅時間
果時我係仔仔讀緊n班，都兩歲半左右，我地喺健康院講到好勞氣話係老師叫我地去做檢查、老師觀察到有問題…個醫生先好不情願咁比form我地叫老師幫手填資料寫下佢日常嘅觀察，之後先比轉介信我地
1個讚
希望佢會突然大爆發
無計 佢哋一日咁多個小朋友要見
有時係會求其d
我都識得個朋友細個係兩三歲先開口講嘢，一講就係短句，有時係性格問題唔係發育遲緩。
唔使擔心，男仔可能發展慢啲，我仔二歲幾去幼稚園面試都唔係好識講野，但入左之後講嘢就跟番大隊！你多啲同佢傾計就得㗎啦
去啦去啦。唔好浪費佐個治療黃金期!
我囝都係咁 2歲返健康院fail左
除左講野個part 其他聽指令全部做到
約左2歲半期 個姑娘話矩認知係ok
可能係接觸言語吾夠
叫我出街時多啲形容身邊事物矩聽
係好白痴架 自言自語 個囝又吾俾反應
而pre school class既老師都話矩吾似係有特殊需要既小朋友
到2歲4個月時 講多左生字
到近期2歲8個月 識講成句啦
但我嫌矩好煩囉
2個讚
同係一樣狀態中
就係因為比較 搞到好驚
宜家佢講野無同齡句子咁好
但佢由零至宜家講夠多左就夠喇
畢竟佢每日一小進已經好叻
仔仔有冇特別鐘意d咩野呀？我仔仔鐘意車同動物，出街就係咁指俾佢睇同佢講，佢好快就學識講同認得
通常仔係慢啲㗎
你有冇剪細佢D食物至俾佢食？如果有就要戒，因為食嘢也訓練口肌。
我仔兩歲前連BB話都唔講，爸媽都唔識叫，單字更加冇，但聽指令係冇問題。但一踏入兩歲，就忽然大爆發。
跟開個上門言語治療師都係叫我用「平衡對話」嘅方法，用一至兩個字長度嘅話語，在小朋友玩玩具嘅時候形容吓小朋友做緊啲咩，例如小朋友玩緊煮飯仔，可以講：「切…蘋果…刀…」去形容吓。如果嗰小朋友玩玩具嘅時候望住大人，大人又可以用「自我對話」形容吓自己玩緊乜，例如：「煮⋯蛋⋯食⋯」咁樣。類似上面都有人講過自言自語嘅方法。都真係幾work喎，我個仔2歲半都未食講嘢，咁樣日日不斷同佢玩，佢半年後又真係開始講到啲短句喎！
可能我真係同佢講得少野
有時唔知講咩好
之前我鄰居當時2歲仔仔都係架，始終有D男仔發育遲少少，佢都係3歲返左幼稚園先肯講多D野，然後好快又勁多野了。最緊要有健康院跟進。
我姪仔姪女就好快已識講好多野。可能屋企人多一齊住。成日同佢地講唔同嘅野，所以吸收得好快了。
1個讚
咩都講，咁佢先學到
今日無反應唔代表佢收唔到
只係佢未識得表達返
有一日會突然跟到你講
慢慢來
1個讚
識 eye contact 同指野就唔洗擔心自閉症。自閉症仲有兩個症狀，就係非常鍾意排列同唔鍾意刺激性環境 (太光太嘈)。呢啲如果你全部都冇事就唔洗擔心，但留意下小朋友會唔會語言遲緩。
多啲同佢講野，既然佢 output 少，你就要大量 input。簡單啲講，你做三個鐘運動先減得 0.1 kg，咁要減 1 kg 你咪要付出更多。
乜都同佢講下，煮飯嗰陣帶埋佢入廚房睇下，然後好似啲煮飯節目咁 “媽咪宜家切緊雞肉，因為要整西蘭花炒雞絲，所以我地要切得細條啲。”
做緊家務又好似 vlog 咁自言自語 “做家務喇！吸塵！吸塵！客廳！睡房！” / “執玩具！火車！機械人！”
2個讚