我朋友領養左隻繁殖埸狗仔，見到佢果陣D奶滋長到掂地，比人割左聲帶，吾知幾多年冇剪過指甲，冇沖過涼，冇擦過牙，5歲之前淨係係籠入面不停被交配，大肚果陣先有餐飽飯食，5歲再生吾到就比人掉左出街，好彩我朋友收養左，依家好靚女好嗲好幸福，所以愛動物應該領養代替購買
4個讚
好想摸
我都領養過2隻喵
雖然我個人冇養貓狗，但都會建議朋友選擇領養唔好購買，因為好多繁殖場都好冇良心，成個繁殖過程都係虐待緊動物…同佢地買就間接鼓勵佢地呢啲行為。
但有時有啲人堅持想要某種品種嘅話，都無可厚非，冇得迫。唯有請佢地揾信譽好，真心鍚動物嘅breeder買啦
身邊仲有人想幫襯寵物店既要勸下
比啲配種圖佢地睇
咩係配種圖？
我fd個女朋友想養，我已經同我fd提咗好多次領養，但佢無動於衷…（其實佢明白我意思…但佢唔理都冇辦法，始終佢有自由
…）
我都諗緊領養，可能遲下先
坦白講唔領養不如唔好養，睇過d養殖場相，係人間地獄，無購買就唔會再有呢d養殖場！
2個讚
家有2位汪公主，都係領養的
支持領養代替購買! 睇過好多片，pk繁殖場環境衛生差到不敢想像，pk利用貓狗繁殖，但又無野比佢地食，長期被困住搞到身體變形，又因為不停打針，生到周身病痛。生唔到就掉佢地出街自生自滅咁，好慘
唐狗同家狗唔係相反喎 
你係咪想講流浪過嘅狗同冇流浪過嘅狗呀?
養耐左就癡你架啦, 加油~
要時間架，同埋睇佢性格。
我領養2隻，1隻性格活潑熱情，大約2個半月就開始痴我。另一隻比較怕人，慢熱又惡，初期掂下佢仲會驚到咬我。領養左大約3，4個月後，佢開始知我唔係要傷害佢，就無咁惡，不過到正式好痴身嗲我，用左8個月時間左右
鐘意狗狗
話近床邊嗰隻就快跌落地 
呢張瞓得好霖
唔可以咁比較
同人一樣 每隻狗都有自己性格 而唔同品種性格都唔同
當然你隻唐唐可能本身有啲經歷 唔習慣同人住 你俾啲時間&耐性 幫佢融入家中啦 
我領養左2隻唐唐
一隻出世無耐就俾人執左 性格相對比較就得人
另一隻半歲大先俾義工執到佢 當時場境恐怖 佢係陪伴住佢已經死左嘅同伴向馬路上唔肯走 (佢同伴俾車撞死)
初初一拎佢返黎 一有大貨車經過佢就驚到癲左
慢慢就好啲
而家差不多8-9年喇 到打大風落雨 佢仍然會癲 好不安周圍搵人痴 半夜會跳上人床搵人伴住
可能佢出世後半年俾雷雨嚇過唔少次 