搵d專業人士出既po 正確使用口罩的方法
佢都仲覺得小題大做既
就直接同佢講
“做多少少令個老婆無咁擔心你會死
係咪唔得丫”
1個讚
我都係頭髮都係長得超快！我3星期要剪一次對上一次係Xmas, 去到2月已經成個Jesus ！之後買齊架生叫老婆幫我剪！剪到成個乞兒，係靠我口罩
先冇咁樣衰！
三月中先頂唔順出左去剪一次！因為老婆已經入左院！
對屋企長者唔換口罩我既對策只能兇佢地！你唔換ok! 但你記住如果你中左招你要面對既係含家產！大肚婆一屍三命！你好自為之！你害到我老婆你會冇埋個仔！兩老聽話小小都係有重用口罩但換密左！起碼唔敢出街亦唔敢接觸人！
1個讚
我覺得，你唔好不停留意住你c6，送你6隻字：隻眼開隻眼閉！
1個讚
你會唔會睇少左d咩
健康wo 人命wo 點樣隻眼開隻眼閉?
佢有事 全家都走唔甩
1個讚
我試下遲d同佢講
希望改變到佢慳口罩的習慣
多謝你地俾建議我
1個讚
多謝你分享你的經驗
我今日趁佢心情正常d時都同左佢講你的經驗
(不過當然冇話佢知我開post問人)
佢又無乜特別反感的反應
但又無話剪/唔剪
至少無再發脾4先
有時真係幾難捉摸佢d脾性
平時佢好溫馴，但一到某d事情就鑽牛角尖
我屋企長老反而好聽話
我同我家姐都會煩佢地，佢地都受
但始終夫妻關係唔同父母關係
我阿媽話我阿爸，我阿爸都會發脾4
但d女話佢，佢又無聲出
好似玩鬥獸棋咁
我已經無之前睇得咁緊佢洗手嗰d野
同佢出街，佢都開始肯聽我話唔亂掂扶手同用洗手液
係前日同佢講講下突然誤中佢d地雷
只係純粹講用新口罩啫
真係唔知佢會咁大反應，炸到我一身傷
佢得意在平時又好聽我話
我同佢都無返雙方長老屋企食飯
佢都無乜野
淨係口罩呢個問題先會爆
你果句“做多少少令個老婆無咁擔心你會死
係咪唔得丫”內容好有愛
但相信要等佢心情正常時講先有用
個炸彈爆緊再講，就好似火上加油
我都領過唔少野，先識得等佢冷靜後再慢慢講
以前我會同佢理論，但發覺更加有反效果
所以我都好同意上面某位網友講
呢d人要等佢諗到，而唔係話俾佢知點做
咁聽你講 你地平時溝通都幾好丫
係佢處理口罩意識唔夠好啫
咁唯有俾佢接觸多d有關口罩的知識
或者了解下佢咁"粗心大意"的原因
我覺得啦
始終非醫護人員/實驗室人員
要有強烈使用防疫用品意識
都有番咁上下情緒緊張/壓力先會做得到
1個讚
我琴晚趁佢心情好時同左佢講，
佢咁樣突然爆我，我好難受
要問到佢好白，佢先話都覺得自己唔係岩曬
我話我又唔係怕病毒怕到唔俾佢剪頭髮
只係要求換個新口罩
佢平靜時真係OK明白事理
係唔知有時癡左邊條筋先會突然爆
希望下次我會學識唔好咁上心，由得佢爆，之後先同佢講番，可能咁會好dd
好多謝你聽我呻 
見到你地好d 我都好開心
係架 男人真係要講得好白架 白到睜唔開眼咁白
一開始我老公都係咁 佢話唔白佢真係唔明
我當時都覺得 成日係咁 真係好攰
畢竟我已經有情緒 你安撫唔到我不單至
仲要我勁理智勁坦蕩蕩咁分析番個事情同埋我的狀態 我真係同佢講 唔可能一直係咁樣
好彩 多年耕耘終於有收穫 而家大部分既野已經好有默契 佢好清楚我會點諗 所以要講白的情況已經好少 心靈無哂負擔
互勉之 
1個讚
我老公都唔太相信要戴口罩，年初二果日同我嘈，話自己做運動曬太陽就唔會病，我話你病會連累身邊人，激到我喊，好嬲佢咁固執，而家知大鑊啦，人人都戴口罩，佢先死死地氣戴
1個讚
呢方面我同你真係好似
試過嘈完佢唔理我，我唔理佢
佢真係可以完全唔理我
每次都係我忍唔住問佢做咩發咁大脾氣
明明我都好唔開心，仲要主動理解佢
希望佢第日可以好似你老公咁開竅啦
最難就係要佢講番個佢到底係點諗
好似個刻過左就算啦 唔好再"嘈/追究"
但其實好多小事都唔係個別事件
希望你老公都識欣賞你的主動
認真mode
好多女仔都做唔到所以搞到男人頭到大埋
而家你都咁坦白
其實佢人生已經容易左好多架喇
1個讚
十分明白
遇上硬頸老公，大家都係好激心
好在你老公最後都肯戴口罩
如果唔係，喺街實比人鬧/公審
我嗰個係肯戴口罩
但當表面功夫咁做囉
上面有位朋友講得好好
呢類人要佢哋自己諗到，而唔係話俾佢哋知點做
但我驚佢未諗到已經瀨左野
我老公咪一樣，好鐘意拎埋個電話去厠所，去完厠所又唔用洗手液洗手，話佢就當聽唔到，激死我！
1個讚
我諗男人係咁上下 …
我屋企嗰個話我用酒精搓手液嘅份量吱太多！
我一吱佢就𥄫住然後話我 
大佬…咁慳做咩，吱一蚊銀份量大小姐 ，洗得乾淨個人都安樂啲啦！
2個讚
同意，如果雙方都咁唔理智，一定好快玩完
其實佢都知自己易鑽牛角尖
只係當下真係控制唔到
真係要比時間佢冷靜，之後再同佢講番件事
我嗰日講左一句"我想同你一世先講俾你知咋"
好似打動左佢
2個讚
你老公都真係離譜左D
莫講話疫症期間，就算平時都要注意個人衛生
可能真係要比佢睇下有關唔洗手，細菌點傳播既影片，佢先識留意