點樣抄topics.啊？我唔係太明。。。
其實我開頭唔係好頂得順連登啲粗口。但睇佢地啲回覆真係個感受仲難頂。所以果時已經少睇佐好多。同埋揀topics來睇。但有時最慘平平無奇既post都係要加返政治野。
我冇上過連登，不過以前未有連登時，有高登。高登當時都己經「明刀明槍」，唔啱就鬧，肯定有粗口。
以前舊場既人，當時已話高登多粗口，自己讚自己果邊冇粗口。
但佢地唔講，人地高登臥虎藏龍，好多高人，言之有物，極有料。人地個場，即使有粗口，人地說話明刀明槍，一樣還一樣，不似佢地部份人，指桑罵槐，記仇。其實佢地自己所謂唔講粗口，但佢地所講既說話，仲核突過高登。
不過，女人堆多，就自不然係咁，女人係多較小心眼，狹窄的胸襟、短淺既眼光，多疑既心態。有d女人，唔係佢地想咁，係天生就係咁，改進唔到，唔應該太指責。而且，舊場都仲有好好既JM既，我亦覺得唔關版主事，版主都控制唔到咩女人入forum。
希望呢邊，未來越做越好，吸引多d言之有物既JM過來，舊場都一定有佢既存在價值，最少可以凝聚一班果種文化既C9都好，其他forum就平和好多，傾計都開心d。
8個讚
您知唔知您已經得罪咗世界上最兇險、最惡毒、最殘忍、最難纏嘅動物？
小的先行告退。
（跟住落嚟係不適合十八歳以下人士觀看，請各家長留意）
1個讚
執左佢啦。
最我好地一齊抵制係亡國賣廣告的廣告商。
我只係講事實，去過舊場既，一定感受到呢種「女人文化」。
有時有d topic，你肯定答唔到咀架，因為唔同果種思想。
咁係冇對錯既，只是大家唔啱channel啫。如果自己要對號入座，我都冇辦法了。
1個讚
原來高登都係咁?但高登我以為都好藍。。
不過真係好多野唔係非黑即白。好似你話高登有粗口都有好多高人。
版主關唔關事我就冇研究。不過諗起果時成日要舉報。真係覺得好厭倦。
我都希望呢度越來越好。因這裡自由既空氣真好!希望多啲人認識吧～最近都fwd佐啲有用既link俾啲媽媽朋友。我覺得build up個有用資料既data base真係好重要。
我就有去開高登而無去連登…果到講野係直接好多… 覺得你唔岩…就直接鬧…覺得你岩…就直接認同… 鬧交就鬧交…無野既…
千奇咪講到舊屋嗰邊只係一班正正常常女人撮咁，
根本嗰邊有班為數唔少嘅人/account係有組織有計劃咁營做咁嘅（維穩）環境，目的係：
嚇到怕事嘅人唔夠膽出聲；
趕絶同佢哋唔同聲音嘅人；
令到外人只係睇到一面倒嘅聲音；
至於版主（由其超級版主）方面，我只覺得佢哋一直長時間（至少十年）有意或無意對呢班人所作所為視而不見，至攪到今次「大逃亡」，可以講係完全係佢地一手做成。
4個讚
當年既高登，高手林立，未有冇黃藍之分架。
另外好同意你話，build up一個有用既database真係好重要。forum係冇價值，資料才有價值。呢個未必是一朝一夕，舊場都經過好多年才做到，要靠大家努力。
其實講真，舊場都有好多好好既JM，見多識廣，以前係果邊，我都好得到好多JM既幫忙，希望將來在這裡，有緣再聚吧。
2個讚
即係冇對家咁單單打打?
我就係其中一個變佐都唔想講野既一群。
本來諗住區選後好啲。點知之後都係咁。所以只好睇少啲。免得自己覺得會發怒覺得啲人冇知。
係啊。所以我好喜歡開頭呢度有啲你問我答。不過好似反而而家少佐。。
點解將某些人的劣質性，歸入先天係女人。
恕難認同。女人可能係會細心，亦會係D小事上比較計較。但亡國果班開口閉口，閙人曱甴，畜牲嘅，真係只因佢哋天生係女人？
唔認同會答咀…會鬧交,但係唔會單單打打…高登男人多…佢地唔會做呢d
唔係話女人小氣…好多女人都會好爽朗,只係講緊bk 文化係會記仇者…
其實我玩咁多年，冇研究過咩係版主、超版，是是非非都好少理，真係消閒為主。
如果佢地只是義工，我自己唔會要求太高了，佢地真係好難控制咩人入forum發言。
而且，果邊文化一向係咁，無論傾得好投緣都好，耐唔耐就要搵一人出黎批鬥。女人講是非點會冇話題？一個人講，其他人就係旁邊潑火，果邊文化如此，版主一人之力，點管？佢地自己老公，都未必管到吧。
至於政治立場不同，我唸大家唔係「唔夠胆」出聲，係稍為有教養既人，都唔想同佢地搭咀，因為你唔係果種人，係講唔出果d咁無禮貌既說話，溝通唔到。
難得有這個新場，希望可以聚集更多有智慧、學識、文化既JM，即使唔同政治立場都好，都可以互相尊重，和而不同，唔好好似果邊咁潑婦罵街就好。
2個讚
你講得啱，我意思只是「部份」女人係咁小心眼，正確應該係舊場「部份」女人係咁，都唔係全部女人都係咁。
我都同意上面有JM話，有好多其他女人好爽朗，唔記仇；但一定唔係舊場文化。
咁又係。反而有時覺得講粗口既人好似真性情啲。
1個讚
只可以逐條編輯，我直頭入去玩花式自殺等佢收我檔 唔想拉高佢瀏覽量同會員數量