Yoyo幾重？
佢普遍都唔貴 同埋職員有問必答 我好幾樣野都係佢個度買
我都打算買呢架
Yoyo依架大約幾錢？
買過Graco citinext
用落無咩問題 不過中意用hipseat又揸開車所以少用
我中意佢車身高 太低好似食塵咁
我而家想賣左去 
好似4000幾
有無媽媽 用過 iGO Babysing ？？
Bugaboo bee5 有冇媽媽用過？
我係用呢部，好用，可以上飛機tim!
諗緊joie、yoyo、gb all city 三選一
yoyo貴、唔係高景觀、唔可以單手收車，但最多好評
joie高景觀、輕便，聽聞有d唔穩陣
gb all city好似都唔錯，好難選擇
哩架係正嘅，我仔女都用佢，哥哥而家兩歲半，加個尾位，兩兄妹一齊推。
3個讚
我有4架BB 車，比你參考下。
-
Stokke - 由哥哥用到妹妹，大車，好舒服，難上公共交通，但見佢地午睡爽丫丫，又冇所謂。我淘寶個尾位，兩兄妹一齊出街。
-
YoYo - 細！不過我唔鐘意佢摺車個方向，次次都要掂到個車轆，好diry。我加左個尾位，又可以齊齊出街。
-
Baby Wagon - 超大車！摺起都成個行李咁。但我最鐘意用，因為兩兄妹可以一齊訓直。郊遊最正，乜都掉晒入去！但預要call 車出車入。
-
Aprica - 主要係初生時用，貪佢一手抽起可以收車，但唔好訓的，所以而冇用好耐。
-
是的車 - 以為好方便，但講方便、舒服又唔夠Aprica, 所以用幾次冇用。次次收車，我塊面都差唔多食落個車轆到，嬲呀！相都冇影過！
其實揀車真係好睇住屋、習慣、手感，點都要拎上手試試。希望幫到你分析。
8個讚
係真，我都係用二手車，之前出去飲茶一個星期用一次，而家更加冇用到，到完左個疫情，bb又大個左唔洗用，而家都歲半啦
用yoyo既話，佢初生嬰兒 0+ 睡籃 要成2千但用唔到一年好浪費。
係咪用car seat + adapter 代替會好啲
用過combi, chicco，最後都係覺得yoyo最好
我第二胎嚟緊出世都想買呢舊嘢呀，大嘅又係兩歲多少少，坐得穩唔穩陣呀
諗緊使唔使買多部yoyo
我大女嗰陣都係咁諗，忍到6個月先買yoyo
但其實0-6坐慣bb車瞓覺，出街大人會方便d，0-6m我地成日抱/carrier，最尾佢唔係太鍾意bb車，到依家識行知咩係攰先自己request話要坐車
所以嚟緊呢胎點都買
我都鎖定買yoyo, 但唔知買唔買個0+ carrier好 
我都會揀YOYO~ 但唔會買0+ carrier 啦
用得咁少時間好浪費, 咁細個又唔會成日帶佢出街
YOYO 係好好推, 但要2手收車, 如你出入多數單拖又要收車唔係好搞得掂, 其實初生唔會成日出街, 不如等大D先買都唔遲.
我自己就鐘意高景觀同單手收車的款, 因BB出街埋枱食飯如咁岩無BB櫈, 可泊埋加車去食, 抱起又唔洗彎咁多腰, 方便自己習慣